ఎస్సీ కార్పోరేషన్ రుణాల్లో పెట్టుకున్న యూనిట్ నే మంజూరు చేయాలి
రాష్ట్రం లో గత ఆరు సంవత్సరాల నుండి ధరఖాస్తు చేసుకున్న అందరికి ఎస్సీ కార్పోరేషన్ రుణాలు మంజూరు చేయాలని బహుజన్ సమాజ్ పార్టీ రాష్ట్ర ప్రధాన కార్యదర్శి అడ్వకేట్ నిషాని రామచంద్రం డిమాండ్ చేశారు . ఈ రోజు పార్టీ కార్యక్రమాల్లో భాగంగా రేపాక లో మాట్లాడుతూ నిన్నటి రోజున ఇల్లంతకుంట మండలంలో ఎస్సీ కార్పోరేషన్ రుణాలకోసం ధరఖాస్తు చేసుకున్న వారిని పిలిచి యూనిట్ తో సంబంధం లేకుండా 50,000/- లేదా 1,00,000/- వరకే ఇస్తామని అధికారులు ఒత్తిడి చేయడం సిగ్గుచేటని అన్నారు. స్థానిక శాసన సభ్యులు బాలకిషన్ కి , రాజన్న సిరిసిల్ల జిల్లా మంత్రి కి చిత్త శుద్ధి ఉంటే ధరఖాస్తు దారులకు పెట్టుకున్న యూనిట్ ని సబ్సీడీ తో మంజూరు చేయాలని డిమాండ్ చేశారు. రుణాలు అందించకుండా కార్పోరేషన్ రుణాలను పక్కదారి పట్టించి లబ్ది దారులకు ఈ ప్రభుత్వం అన్యాయం చేస్తోంది అన్నారు. ఒకవేళ పెట్టుకున్న యూనిట్ ని మంజూరు చేయకుంటే మంత్రులను, ఎమ్మేల్యేలను గ్రామాల్లో వారి పర్యటనల్ని అడ్డుకోవాలి పిలుపునిచ్చారు. ఈ సమావేశం లో జిల్లా ఇంచార్జ్ మంద బాలయ్య, మండల అధ్యక్షులు మాంకాళి అమర్, కొడాని దిలీప్ , కాసుపాక శ్రీనివాస్ తదితరులు పాల్గొన్నారు .
0 Comments